Konporta K.E. 1997ko ekainaren 11n sortu zen Donostian eta Konporta Kirol Elkartea izenarekin eta 2533 zenbakiarekin izena eman zuen Euskadiko Kirol Erakundeen Erregistroan. Kirol-klub honek bestelako ikuspuntu batetik bete nahi ditu bere helburuak, errendimenduzko kirolari (Konporta K.E. Igeriketa), kirol-ikastaroei eta aisialdi eta denbora libreari (Tin-Tin Zurriola) dagokienez.
Igeriketa-saila 1999ko urtarrilean sortu zen, igeriketa federatua, master igeriketa eta mugimen-urritasunaduten kirolarien igeriketa sustatzeko xedearekin. Neguan, entrenamenduak Donostiako udal-kirolgunetan burutzen dira; nagusiki, Anoetako 50 metroko igerilekuan eta Benta Berriko gimnasioan.
2002ko abenduan, Gipuzkoako Kirol Egokituaren Federazioaren sortze-prozesuan lagundu zuen eta, horrela, Eusko Jaurlaritzako kirol egokituaren sailean erregistratu zen.